Tøsirilslåtten

I årboka for 2022, som kjem i november, kan du lesa om Tøena, ein husmannsplass under Høysæter, som låg så utsett til for ras, at det berre budde folk der i to generasjonar. Siri var ei ungjente som vaks opp i Tøena. Ho var fødd i 1857, og var lettbeint og uvanleg glad i å dansa. Det var ein reinlendar som ho likte ekstra godt, og sidan jenta vart kalla for Siril, kalla dei slåtten for Tøsirilslåtten. I dette videoklippet frå 2006 kan du høyra Tøsirilslåtten. Det er Peder Ådland som spelar, og i 2006 var han 91 år. Slåtten hadde han lært av far sin, og han seier at han aldri har høyrt nokon spela slåtten utanfor Samnanger. Vil du ha heile Høysætervideoen frå 2006, der også Nils Yndestad og Gunnvald Kolle spelar, kan du høyre med historielaget.