Søndag 20. mai reiser me til Fjell festning på Sotra med veteranbuss. Etterpå går turen til Øygarden og kystmuseet i Ovågen.
Bilde frå Fjell festning.
Les vidare 'Vårtur til Fjell festning og kystmuseet i Ovågen'»
Her kan du sjå den løpande fotosamlinga. Vi har denne og fleire temasamlingar, og freistar no å finna ein god måte å leggja dei ut i heimesida, slik dei låg ute i den gamle heimesida. .
Jeff har samla frimerke og postsempel i mange år. No deler han samlinga av Samnangerkort med historielaget. Sjå samlinga.
Og her er nokre av dei gamle fotoa frå samlinga vår, frå Jacob Deby sin album:
Filmen handlar om den første vasskraftutbygginga til Bergen, sett frå anleggsarbeidarane eller “busen” sin ståstad.
Lengde 26 minutt. Pris: Kr 200,-
Du kan sjå ein prøvebit her.
Ja, eg vil kjøpe filmen.
Det var fullt hus i mange timar i storstova til Antons kulturhistoriske senter. Mange ville sjå filmen om kraftutbygginga av Storelva og få seg ein kopp kaffi attpå. Og mange beundra den flotte “Einogsekstien” som skinande nyoppussa og fin med “ny” gamal motor stod og viste seg fram på parkeringsplassen. Nokre heldige fekk fylgja oppover og sjå sume av dei stadene filmen omtala.
11. september er det kulturminnedag i heile Noreg. I Samnanger feirar me dagen med filmpremiere på filmen ”Straum til Bergen. Kraftutbygginga i Samnanger 1909 -1935″. Det vil og verta høve til å ta turen oppover langs Storelva til Kvitingen med ein skikkeleg veteranbuss frå 1937. Då kan ein få sjå nokre av stadene filmen omtalar. Les vidare 'Kulturminnedag med filmpremiere'»
I mai inviterte historielaget til tur til Askøy og Herdla, sjølvsagt med mykje historie undervegs. Ein av turdeltakane deler si oppleving av turen med oss: Les vidare 'Historielaget på tur til Askøy og Herdla'»
Gamlestova i Nordvika
Me byrjar ved grendahuset kl. 12.30 og tek oss ein sving bortom Bakken eller Skottabakken som staden eigentleg heiter. Kvifor heiter staden nettopp det? Korhen var den gamle brusfabrikken på Bakken? Kvifor bygde dei eit hus ut på ein holme? Veit me kor gamalt det er? Kor gjekk den gamle kyrkjevegen? Kva er dei gamle husa me ser eller ser restar av langs bygdavegen? Slike ting er det du kan få svar på når du vert med på historielaget sin lokalhistoriske tur søndag 29. august 2010. Me følgjer Bygdavegen mot Nordvika og endar opp i gamlestova der. Vegen er ikkje lang, men her har vore både treskofabrikk, meieri, sag og ishus på den vesle strekninga! Velkomen til å få lokal historie-kunnskap. Og sjølvsagt kringle og kaffi etterpå.
Dagfinn Malt kjem også!
Den 25. februar kl. 19.00, held Samnanger historielag årsmøte på Anton`s kulturhistoriske senter på Frøland. Denne dagen har me fått ein “historisk” radiopersonlegdom til å koma og halda kåseri for oss. Dagfinn Malt har 40 års fartstid i NRK, og dei fleste vil nok kjenna denne stemma frå NRK- Hordaland. “Her er by og Bygdenytt”, kallar han innslaget sitt og seier det er “ein uerbødig radiohistorie om historiar frå eit langt radioliv”. Me gler oss!
Kaffi- og kringlepause skal me også ta oss tid til.
Så kjem årsmøtesakene med val, rekneskap for 2009, budsjett og aktiviteskalender for 2010.
Nye og gamle medlemer er velkomne!
(Det vert høve til å teikna medlemskap på møtet, for dei som måtte ynskja det..)
Film og kaffi går godt saman
Ein ny type arrangement har sett dagens lys i Samnanger – nemleg kulturhistorisk kafé. 31.oktober fann svært mange vegen til Antons kulturhistoriske senter på Frøland. Dette var tydeleg eit populært tiltak blant samningar og andre som hadde møtt opp. Det er ikkje godt å vita kor mange som var innom i løpet av dei 3 timane som arrangementet varte, men truleg godt over 100. Les vidare 'Triveleg kulturhistorisk kafé'»
Kraftkarar i arbeid
Fotoutstillinga frå kraftutbygginga av Storelva (“Samnangervassdraget”), er no sett opp på Antons kulturhistoriske senter på Frøland. Her kan du i ro og mak sjå dei over 100 bileta frå utbyggingsstarten i 1909 til Svartavassdammen stod ferdig 20 år seinare.
Les meir om utstillinga her: “Samnangerkraft i 100 år – vellukka fotoutstilling“